کانال اشعارقربان مطلبی و شاعران اهلبیت., [16.01.17 10:25]
ولموشوخ کربوبلا عشقونده دیوانه حسین
دور پرچمده دولانوخ همچو پروانه حسین
—---------------------------------—
مکتب اسلامه بو قاره علم عزت وروب
چوخ مقام وشانی والادی خدا قیمت وروب
ایلیوب لطفون فراوان عرشینه زینت وروب
قدرینی بیلمز بونون دنیاده بیگانه حسین
—---------------------------------------
هارادا نصب اولسا قرا پرچم جمع اولوخ باشینه
کعبه مثلی یا حسین دلده دولانوخ باشینه
گوزاونا با خدوقجا گوزیاشی آخاراوزباشینه
گوز یاشیلا امضاء وروخ عهدو پیمانه حسین
—---------------------------------------
قلبیمیزده عشق پاکون  ایلیوب غوغا حسین
سالموشوخ عالملره عسقونده واویلا حسین
ایت نظر ای معدن لطف  و سخا مولا حسین
ایسته بو عاشقلری اول صحن ایوانه حسین
—----------------------------------------
ایت قلم کربوبلامحنتلرین دلدن رقم
پرچم اوسته اولدی  عباسون قولی  تنن قلم
عشقه باخ باش وردی اما ورمه دی الدن علم
جانینی ایتدی فدا اسلام و قرآنه حسین
—---------------------------------------
چادر عزو وقاری باشه زینب باغلادی
کیم دیور کربودلادن شامه زینب آغلادی
بعد عباس پرچم اسلامی زینب ساخلادی
فتح اولوب زینب الیله شام ویرانه حسین
—-------------------------------
کوفیه قاره علم له سالدی زینب ولوله
ایسته دی تا ملته واضح اولونسون مسئله
اسکوتوسسلندی غیضیله یاتوبدور هم همه
کوفه اهلی قالدی حیران  نطق برانه حسین
—------------------------------------—
شامیده کاخ یزیده پرچمین نصب ایله دی
صحبت ایتدی مجلسینده قدرتین صلب ایله دی
عاقبت رسوا یزیدی نطق زینب ایله دی
حقون اوستونده آلوبدی هر بلا جانه حسین
—------------------------------------—
ای(مُطلّب) غرق اولوبسان گرمحن دریاسینه
هرزمان قلبین توتولسا گیت حسینون یاسینه
دردیوی دلدن دینن کربو بلا زهراسینه
درگهون زینب آچوب بیماره درمانه حسین
@GorBand