اولمادی اولونجه  یانام   دردیوون  دواسی زهرا
گیدوسن گیدور سنیله   ایویمون  صفاسی  زهرا
********************
سینه سی محنله دولموش   سینه سی یارالی گیتمه
دردینی عم اوغلوسونان   گیزلدن  حیالی گیتمه
دوزمرم مصیبتونده   گیتمه ای وفالی گیتمه
پوزولار سنیله گتسن   ایویمون نماسی زهرا

گیتمه ای عزیز طا ها  اویمین  صفاسی سن سن
گرچه  مبتلای  دردم   دردیمون  دواسی سن سن
مین غباریله توتولموش   گویلومون جلاسی سن سن
گیتمه بونان آرتوق اولسون  قلبیمون نواسی زهرا

خوش گونون سنون بو ایوده  اولمادی اولنجه یانام
آغلارام  فراغتونده   ولوله بوکونه ساللام
منی تک قویوب گیدورسن  هجریوه  نجه دایانام
چوخالار سن اولماسان گر باشیمین بلاسی زهرا
******************************
دوقوز ایل منیم ایویمده  هرمصیبته دایاندون
یاندی درگهیم ستمله  ظلمون آتشینده یاندون
سینوه باتوبدی مسمار پشت درده سن دایاندون
سنه چرخ روزگارون  اولمادی وفاسی زهرا
گوزلرون فداسی زهرا
گویروب گوزون ستمله نه باشی بلالی اولدون
قانا پشت درده باتدون سینه دن یارالی اولدون
گیجه لر سیزلتی صوتون منه یادگاری قویدون
دردیوون اونوجه  یانام  اولمادی دواسی زهرا
*******************

زینبون یانخلی  صوتی   یاندورور منی اورکدن
سیل کیمی سولان اوزاره گوزیاشی رواندی گوزدن
گیجه نون زمانی سویلور گیدوری آنام بوایودن
سس وروراونا حسینیم  اولورهم صداسی زهرا

گیدوسن حسینه بیرباخ  قول بویون اولوب حسنله
یخولوب جنازن اوسته   یوز یوزه قویوبلا سنله
زینبیله  کلثوم آغلور  دلده مین غم  و محنله
اوخشاما سیسله دولموش  ایویمون هواسی زهرا
**************************

نه دعا لر ایلییردون  گیجه لر نمازون اوسته
سوزولردی گوزلرونن نجه یاش قونودین اوسته
هامو هوریلر ادبله   دایاناردی  باشون اوسته
باشون اوسته ایندی دورموش گویلرون هماسی زهرا
*********************
آچ گوزون گوزون فداسی معدن کرامت ایندی
نازیله بومسغل اوسته یاتموسان نه راحت ایندی
سینوین جراحتینن  تاپموسان فراغت ایندی
دورعم اوغلووی دانشدورسسوین فداسی زهرا
***********************

دویمورام  محبتونن    سنون ای وفا  هماسی
منی یاندوروربولورسن    قاپی یانما  ماجراسی
اوپرم یاراوون اوستون ساغالا اورک یاراسی
دردیوون اولونجه یانام  اولمادی دواسی زهرا
*****************

گیجه یاریدی(مطلب)  یازورآغلوری اورکدن
اسلادوبدی نم جمالین  یانورآغلوری اورکدن
ادورآرزو بقیع نی سینه داغلوری اورکدن
منی مین غمه سالوبدی شهریوین هواسی زهرا

شاعر:کربلایی قربان مطلبی  مایان


برچسب‌ها: مایان تبریزنوحه زهرا

تاريخ : چهار شنبه 24 دی 1399 | 23:31 | نویسنده : قربان مطلبی مایانی |

قبله  اهل   يقين   ،   كعبه   عرفان  زهرا
زينت     دولت      با عزت     قرآن  زهرا
بي كران  همّتينه   فخر ايلير  حيّ غفور
بودور  آئينه  يزدان  ،  بودور  آئينه   نور
زندگينامه  جاويديني  كيم  ايتسه  مرور
گورجك  قدرت  عشقيله  تاپوب جان زهرا
مات ايدوب اهل  سماواتي  منزّه  نسبي
ديللرين     ازبريدور    ام ابيها      لقبي
شانه باخ ، اللرينه  بوسه ويران وقته نبي
سسليردي  هامي عالم  سنه  قربان زهرا
عرفا    حاجت    آلار   قبله   حاجاتيندن
قلم  عاجزدي   يازا   وصف   كمالاتيندن
بو سوزوم  قطره دي  درياي  كراماتيندن
طوي لباسين ائله دي سائله احسان زهرا
مصحف عشقي گرك دهريده تفسيراولونا
آخدي  قرآنه  گوره  قاني  حقيقت  يولونا
حق علينندي دئدي  ويرديلا قمچي قولونا
اولدي    بو  علته   محكومه   دوران زهرا

اثر : کربلایی بهزاد قاسمي اردبیلی


برچسب‌ها: زهرا نوحه

تاريخ : چهار شنبه 24 دی 1399 | 23:26 | نویسنده : قربان مطلبی مایانی |

سلام اولا آقامین  آدی دلربا  قیزینا

سلام اولا آقامین غملی باوفا قیزینا

سلام اولا آقامین غملرهرضا قیزینا

اوقیزکیغملرالینن اریدی گول بدنی

آجونان ئولدی ولی ایسی بیرغذا یمه دی

-------------------------------

سلام اولا غمیله گول یوزی سولان بالیا

یارالی صورتینیتپراقا  قویان بالیا

زمانه نین آجیسی قلبینه دولان بالیا

شمادتین اثرینن  یاناردیخون ورگی

خرابه یرده اونون باغلاموشدی قان اورگی

---------------------------------

سلام اولا بوگیجه اهلبیتی آغلادانا

سلام اولابوگیجه عمه سی ملرقالانا

سلام اولابوگیجه گوزلری یولا باخانا

یوخودا گوردی باباسین دوروب فغان ایلدی

بابا بابا دیدی رخصاره گوزیاشین الدی

--------------------------------

سلام اولا اوقیزا گوزیاشین یوزه اله دی

سلام اولا اوقیزاروزشب یانوب مله دی

سلام اولا اوقیزا بیرکسه سوزون دیمه دی

خرابه یرده توکوبدور جماله گوزیاشین

سوروشدی تا باباسین گتدیلر کسیک باشین

--------------------------------------

یارالی باشی گورنده ازل سلام ایلدی

دولاندی باشینه عرض ایلیوب حالین نجه دی

غریبه وقته گلوبسن عجب گیجم گیجه دی

ایله دارخموشدوم من بابا بوویراندا

منی گذشت ایله دای قالمیوب توان جاندا

-----------------------------------

جهاندا هر قیزین ایستکلیسی یقین آتادی

 اونون دالیجا  گوزی یولارا باخان بالادی

یریم خرابه دی سن سویله منزلین هارادی

خبر آلاندا سنی زینب عمم آغلاردی

توکردی گوز یاشینی سینه سینی داغلاردی

-----------------------------------

گلوبسن ایندی بابا قوی ئوپوم دوداقینن

دانش منیله دانش آل خبر ملالیمنن

منیمده حالیمی بول یاره لی قولاقیمنن

پیاده یولاری گلدیم ایاقیم آبله دی

اقلی گل دیله دل لن گوروم حالین نجه دی

-------------------------------

خرابه تپراقینی  گوزلریم یاشی سولادی

یوخودا گورموشودوم لبلریرین بابا یارادی

شل اولسون اللری هرکس سنی قانا بویادی

یارالی جانیوه قربان بو خسته جان یارالی

یوزوی قوی یوزمه من یارالی سن یارالی

----------------------------------

غبارغم گوروسن زلفومه منیم اله نوب

یارالی باشیوه دل لن گوروم سنین نه گلوب

یارالی سان نیه بس  صورتین کوله بلشوب

فدا اولوم نیه گوزدن  بیزی سن آتمشدون

بیله خیال ایدورم کوللر اوسته  یاتمشدون

------------------------------------------------

جواب

یارالی باش دیله گلدی گوزونن اشکی آخار

آزآغلا غملی بالام  غم بوگون  تمامه چاتار

منیم وفالی قیزیم کیم قیزین گوزونن آتار

خیال ایلمه گوزدن  سیزی  من  آتمشدیم

من آریلان گیجه سیزدن کول اوسته یاتمشدیم

---------------------------------------

سوال

 خیام غارت  اولاندا   بابا سن هاردیدون

قوشون خیامه دولاندا  بابا سن هایاندیدون

بنات  اوتدا  یاندا  بابا سن هایاندیدون

سنین گوزونن ایراق گورنجه جسارت اولوب

علی و اکبر آلان گوشواره غارت اولوب

-----------------------------------------

قوتولدی غارت اگرچه بیرآجا دینجلدیم

بیله   خیال ایلمه  سنن  الفتیم  کسدیم

یوخویا  شمری  وریب  قتلگاهیوه  گلدیم

اوقورخولی گیجه ده داده سسلدیم سنی من

جواب  گلمدی مایوس  ایله دین  منی  سن

دلنوشته کربلای قربان مطلبی


برچسب‌ها: مطلبیمایاناشعارترکیتبریزاردبیل قربان

تاريخ : یک شنبه 1 خرداد 1399 | 23:0 | نویسنده : قربان مطلبی مایانی |

رضانین حرمینده ...
. .
به به نه جلا واردی رضانین حرمینده
بیر آیری صفا واردی رضانین حرمینده
.
بیر عطر خوش و حال فرحزاد و دل انگیر
ای اهل ولا واردی رضانین حرمینده
.
گل جام مس روحوه بلکه ویره صیقل
گلبانگ دعا واردی رضانین حرمینده
.
موسایه دیون طور خراسانه گذر سال
انوار خدا واردی رضانون حرمینده
.
جنت اورا غبطیله باخور علتی وار،چون
ایوان طلا واردی رضانین حرمینده
.
دروازه رضوانی ایدوب مات عظمتده
بیر باب رضا واردی رضانین حرمینده
.
گلدسته لری پارلیور سینه عرشی
بیر عالی نما واردی رضانین حرمینده
.
کیم صحن عتیقی گوره بی شک دیر حتما
فردوس خدا واردی رضانین حرمینده
.
شاهلاردا او درگاهه ذلیلانه گدللر
تک نه فقرا واردی رضانین حرمینده
.
ای حاتم طایی گل اوزون گورنجه سن تک
مینلرجه گدا واردی رضانین حرمینده
.
کیم زائر مخلص اولا بی بهره قیتمز
دریای سخا واردی رضانین حرمینده
.
هم حاجت دنیائی و هم آخرت ایسته
خیر دو سرا واردی رضانین حرمینده
.
دردون سرطان اولسادا چوخ اولماپریشان
هر درده دوا واردی رضانین حرمینده
.
معلومیدی زواریلری کامه چاتوب ،چون
دللرده ثنا واردی رضانین حرمینده
.
هم کعبه و هم مشعر و هم مروه و زمزم
هم سعی و صفا واردی رضانین حرمینده
.
هم شهر علی یعنی نجف وادی ایمان
هم کرب و بلا واردی رضانین حرمینده
.
( کربلایی ) اوزی قمدا اورگی دائما اما
هرصبح و مسا واردی رضانین حرمینده


برچسب‌ها: رضامایاننوحه اشعار تبریز

تاريخ : جمعه 21 تير 1398 | 9:41 | نویسنده : قربان مطلبی مایانی |

خرابینی ایلمه مکان === دور گداخ بالام یاتما
گیدور بو غملی کاروان === دورگیداخ بالام یاتما
شمریله سنان یوخدی —— دور یرون بالا بوشدی
کیمسه دردیمی بولمور —— گیتمگه دیزیم گلمور

نه شمر واردور نه سنان === بوسفرده غم یوخدی
نه زجر وار نه ساربان === سیلیدن خبر یوخدی
چخوب کجاوه دن فغان === دوربالا یرون بوشدی
بی بین اولوبدی قلبی قان === دورگیداخ بالام یاتما
کیمسه دردیمی بولمور —— گیتمگه دیزیم گلمور

توزون سیلیب مزاریوین === سسلیرم قیزوم وای وای
رباب سس ورور منه === سویلوری بالام ایوای
گهی علی واصغره === گه سنه دیور لایلای
صدای زنگ کاروان === دور گیداخ بالام یاتما
کیمسه دردیمی بولمور —— گیتمگه دیزیم گلمور

آجون نان اولموشدی بالام === غنچه مثلی پژمرده
اوحالی قلبیمی منیم === سالموشیدی مین درده
تاپولمادی دردینه دوا=== جان وروب قوری یرده
جانیمدا قالمادی توان === دور گیداخ بالام یاتما
کیمسه دردیمی بولمور —— گیتمگه دیزیم گلمور

الیمده اولسیدی چارام=== شامیده قالوب گتمم
دایانمارام من مدینه ده === قبرون اوستونه گلم
گلوب مزاروون بالا === زا ئری اولوب ئولم
غمین ایدوب قدیمی کمان === دورگیداخ بالام یاتما
دلنوشته کربلای قربان مطلبی


برچسب‌ها: کوچخرابهشاعرمایان

تاريخ : چهار شنبه 2 آبان 1397 | 23:24 | نویسنده : قربان مطلبی مایانی |

فراق اودوندا یانما چوخ = دور بالا بابان گلدی 2
دیموشدی گلم خرابیه = دور بالا بابان گلدی 2
گل یاراسینی باغلا ***** اوپ دواقونی آغلا
—------------------------------------—
بابان یارالی خسته دی = قلبینی آلشدرما 2
دوباره گویلونی اونون = غملره سالوشدورما 2
دودقلاری یاره لی دی = سعی ایله دانشدرما 2
گلوب گوره خرابده = دور سنی بابان گلدی
گل یاراسینی باغلا ***** اوپ دواقونی آغلا
—----------------------------------------------
قیزا قوناق گلسه با با = جاننی فدا ایلر 2
اورکده کی دردوغمون =اوز باباسینه سویلر 2
باباسینین یارسی اولا = گور بالاسی بس نیلر 2
یارالی حالین بابا – دور سنه قوناق گلدی
گل یاراسینی باغلا ***** اوپ دواقونی آغلا
—------------------------------------
دوزینت ایت خرابی = ای منیم بالام یانما 2
چوخ استه دون منن اونی = گلدی دور بالا یاتما 2
او آغلیوب فراقیوه = سن اونی چوخ آغلاتما 2
محبت ایله گویلون آل = یاره لی بابان گلدی
گل یاراسینی باغلا ***** اوپ دواقونی آغلا
—------------------------------------—
گلنده باش خرابیه = دادیله فغان اولدی
چوخالدی زینبون غمی = اشگیله فشان اولدی
آلوب اوباشی قوجاقونا = زوفلرون بالا یولدی
یوزونن اوپدی سویلدی = عمه جان بابام گلدی
گل یاراسینی باغلا ***** اوپ دواقونی آغلا
—----------------------------------
ددی گذشت ایت بابامنیم = منزلیم کی ویراندی
قونا قه قربان کسل لر = قربانوم فقط جاندی
فراقیوه چوخ آغلادوم = گوزلریم یاشی قاندی
مریض خسته جانیدیم = دردیمه دوا گلدی
گل یاراسینی باغلا ***** اوپ دواقونی آغلا
—----------------------------------------
من آغلیاندا آی بابا =گوز یاشوم سیلیب عمم
آلوب قوجاقینه منی = رافت ایلیوب عمم
خرابده کیم آغلیوب = ساکت ایلیوب عمم
فغان وناله اتمرم = شکراولا بابام گلدی
گل یاراسینی باغلا ***** اوپ دواقونی آغلا
دلنوشته کربلای قربان مطلبی

آدرس تلگرامی ###https://t.me/GorBand


برچسب‌ها: رقیه شام مایان قربان

تاريخ : پنج شنبه 12 مهر 1397 | 10:20 | نویسنده : قربان مطلبی مایانی |

 

قالموشام بوچولده  تنها –  کاروانی  ساخلا عمه

قورخودان اسن بالاوون - حالینه یان آغلا عمه

ساربانه هیچ دیمورسن - قارداشوم بالاسی قالدی
هیچ دیمورسن عمه هاردا – اکبرون مارالی قالدی
اوکی دوزمزیدی من سیز- قلبیمین توانی قالدی
ایلوری نوا ونجوا– حالینه یان آغلا عمه

دوشوری وجوده وحشت- بو چوله با خاندا عمه
بدنیم ایله سیزیلدور - یل اسنده زماندا عمه
یتیشن هرایه یوخدی – بیله بیر مکاندا عمه
منه تار اولوبدی دنیا – حالیمه یان آغلا عمه

چولده تک قالان بالاوون - نه هراینه گلن وار
بی امان بی پناهین – حالینی دیمه بولن وار
قورخی جسمینی توتوبدی - نه سسینه سس ورن وار
گل بو قورخولی مکاندا – حالینه یان آغلا عمه

حالیمه بوچولده عمه – گویده قوشلار آغلویاللار
گوز یاشوم آخاندا گوزدن – داغداداشلارآغلویاللار
کاروندا اولماسام من - نی ده باشلار آغلویاللار
منه ناگراندی بابا – حالینه یان آغلا عمه

آیرولاندا سن بابامنان – بوسوزی اونا دیوبسن
ساخلارام حسین بالاوی- سینم اوسته سن بولورسن
ایندی بس رقیه قالدی-هاردا هیچ بیبی دیمورسن
خردا قیزنوالی صحرا – حالینه یان آغلا عمه

چولده تک قالان زماندا – تاراولوب گوزومده دنیا
صاق صولا قاچوب هراسان – دلده ذکر نام بابا
دلده وای بالام صداسی - دادیمه چاتوبدی زهرا
سسلیوبدی قوخما بالا - حالینه یان آغلا عمه


آغلا ای (مطلب) ایندی– حالینه بو بی پناهون
دورینی آلوبدی دشمن – یولی باغلودور مزارون
پوزا بولمیوب پوزانماز– بو با لا قیزون جلالون
گینه گلگینن بوحالدا– حالینه یان آغلا عمه
دلنوشته کربلای قربان مطلبی

آدرس تلگرام***https://t.me/GorBand


برچسب‌ها: رقیه راه شامترکیمطلبی مایان تبریز

تاريخ : پنج شنبه 12 مهر 1397 | 10:14 | نویسنده : قربان مطلبی مایانی |

دلنوشته کربلای قربان مطلبی

 

دی گوروم ندندی عمه گلمه دی بابام سفردن

بولمورم نه ماجرادی سالدی تیز منی نظردن

 

اوکی دوزمزیدی من سیزمنی چوخ سوردی عمه

دیزی اوسته ساخلیاردی  یوزمی  اپردی عمه

سفره گیدوب گلنده   منی تیز  گورردی عمه

بودفعه بابام یوباندی  منی حالی ائت خبردن

 

باخورام یولا گوزومنن آخوری سرشک اشکیم

منی بو خرابه یرده  یاداسالمورآخر هیچ کیم

جانیمی فداسی وررم  خبرین گتورسه هرکیم

سوروشاندا قیزلارآغلورآتامی من عمه لردن

 

یانیرام غم  فراقه   فلکین  بو کینه  سینده

بابام عادتی واریدی یاتیداردی سینه سینده

نه قدریولا باخیم من  بو خرابه گوشه سینده

منه بیر خبر ورون یوخ عمه مهربان پدردن

 

بوخرابه شامین عمه نجه بد هواسی واردی

سیخلوراورک بویرده  غم وابتلاسی واردی

بولارین ندن بیزیلن  بوقدرجفاسی واردی

اورگیم گلوبدی درده  بومکان پر شرردن

 

نه خبرواروم بابامنان نه علی واکبریمنن

نه ده کی خبرچاتوبدی اولارابوغملریمنن

ایشیدم  اگر  گلیللر  اپرم  قدملرینن

گیچرم بوجان وسردناولارین فداسی اوللام

 

آنامین سیزیلتی صوتی آلوری توان وطاقت

گیجه دن بیرآزگیچنده ایله کی یاتولارعترت

یانوب اوخشوری بالاسین  الینه دوشنده فرصت

آخوری سرشک اشکی سیل مثالی دیده لردن

 

اولوری قیامت ال... اودینده وای بالام وای

آناسین جوان قوجالدان صود امردل آچمیان وای

بالا فرقتینده اولدی  آنانیندا ذکری لایلای

حالینی بولر گورننرگوزلرینده اشک تردن

 

اودین ده اصغریم وای یانوراکبرین آناسی

سالوری اودم بهانه  الهاکبرین آناسی

باشی نیزده گزنده ئوله اکبرین آناسی

بالا داغینی گورننر  دانوشولا  نیزلردن

 

یاز(مُطلّب)اولدی ازبر بالانین بو سوزدلینده

یانوب آغلیویاردی هرگون   باباسی مصیبتینده

جان ورینجه ورد ایدردی اوخرابه گوشه سینده

دی گوروم ندندی عمه گلمه دی بابام سفردن

 

خاک پای حسینیان کربلای قربان مطلبی

آدرس تلگرامی***https://t.me/GorBand


برچسب‌ها: رقیه خرابه شام ترکی اشعار مطلبی

تاريخ : پنج شنبه 12 مهر 1397 | 10:6 | نویسنده : قربان مطلبی مایانی |

✔️صاحب عصرفراقینون مبتلالری _ کامران تبریزی

وجودون ای گوزل گنجینه حسن و وجاهتدی
کناروندا سنون یوسف فقیر و بی بضاعت دی
**********
کساد ائتماقه حسن یوسفین رونقلی بازارین
سنون بیر بئیله حسنوندن فقط بیرگل کفایتدی

نگاهون گر یئری قالسا جمالوندا یئری واردی
گل رخسارون از بسکه ظریف و با لطـا فتدی
**********
گوروبدور نرگسین اوغلوندا نرگس گوزلرین نرگس
بینمز ئوز گوزون گـــرچه گُوزی ورد جماعتدی

امامت تک گوزل لیق حجتِ الله ختم اولموش
سنون گویچکلیقون اون بیر گوزلیقدان علامتدی
**********
سن او بیر گویچکین گویچلیقندان بهره مند اولدون
بونی عالم بولر اثباتینه حجت نه حاجتدی
ائله دیلچسبدور که قویموری لب لبدن آیرلسون
سوز آچماق شهد وصلوندن عجب مشکل حکایتدی
***********
کمندوندن دوشر تا سوز، اسیرون تئز دییر به به
اسیر عشقون اولماق بسکه شیرین بیر اسارتدی

هره بیر عشقیلن مشهور اولوب مولا بو دنیاده
سنون عشقونده ، مشهوریتِ اهـل ولایت دی
***********
بو گونکی وصلوون وار مهدیا هجران کمندینده
بهار وصلووی تهدید ائــــدن پائیز فرقتدی
سنون عشاقوون جشن و سروری تک بو گونلوقدی
صباح عشاقوون حالتلری بیر ئوزگه حالتدی
***********
دمادم آه چکماق قان اوتوب قان آغلاماق سن سیز
یولووی گوزلین عاشق لره چوخدانکی عادتدی

گرک شک ائیلیاق انصافینه انصافآ ای مهدی
دیسه کیم شور هجرانون قیامتدن علامتدی
*************
سنون هجرونده که برپا اولان غوغا قیامتدن
علامت یوخ ئوزی چون ئوز یرینده بیر قیامتدی

سوروشما مبتلایان فراقون کسب و کاریندن
که سن سیز ایشلری دنیاده تنها کسب محنتدی
***********
ئوزون گل اللریندن دوت ایاقدان قویما دوشسونلر
که الدن توتماق آل اللّهه بیر دیرینه خصلتدی

نگاری گورمیوب ئولماق یامان ئولماخدی داد اوندان
بله ئولماق شکنجئیلن برابر بیر مشقتدی
**********
بولر تنها جمال یارینه حسرت قالان عاشق
که جانانانین یوزون بیریول گوروب ئولماق نه نعمتدی

ظهورون بیر عنایتدی بونا سوز یوخ ولی مهدی
اونون تعجیلی عشاقه عنایت در عنــــایتدی


برچسب‌ها: مهدی امام مایان

تاريخ : دو شنبه 10 ارديبهشت 1397 | 23:34 | نویسنده : قربان مطلبی مایانی |

غزلی در فراق حضرت صاحب الامر عج


برچسب‌ها: مهدی

تاريخ : دو شنبه 10 ارديبهشت 1397 | 23:33 | نویسنده : قربان مطلبی مایانی |

هارداسان
جانیمی یاندیردی شوقون ای نگاریم هارداسان
گؤزلریم نوری ایکی عالمده یاریم هارداسان

باغریمی قان ایلدی آجی فراقون گل دانوش
ای لبون وصلی شراب خوشگواریم هارداسان
فرقتون دردی منی گؤر کی نه مجروح ایله دی
ای گؤزی نرگس حبیب گولعذاریم هارداسان
صبری یغمالدی شوقون قراریم قالمادی
ای منیم آرام صبریم بی قراریم هارداسان
ایله دی عشقون منی قلخان ملک تیرینه
ای گؤزی قاشی بیلیک لی شهریاریم هارداسان
تا اوزون شوقوندان ایراغ اولموشام پروانه تک
یانیرام لیل و نهار ای نور و ناریم هارداسان
قاتی موشتاق اولموشام زلف و غذارین بویونا
ای اوزی گلشن ساچی مشک تاتاریم هارداسان
سندن آیری کونلومه یوخدور وفالی یار دوست
ای جفاسیز حسن کامل یار غاریم هارداسان
هجرون اوخی دلدی بو شوقونده یانان باغریمی
صورت و معنیده ای چابک سواریم هارداسان
بادایلن گؤندر ساچین بویین منه هر صبحدم
ای کی یاندیم گئچدی حددن انتظاریم هارداسان
یار اوچون هر گوشه ده مین دیو اولور دشمن
ای سواد اعظم و محکم حصاریم هارداسان
عاشیقین جنات عدنی چون جمالون وصلیدیر
ای شراب کوثریم گئتمز خماریم هارداسان
چون نسیمی دور بوگون ایام عشقین خسروی
ای شکر لب یار شیرین روزگاریم هارداسان

عمادالدین نسیمی


برچسب‌ها: امام زمان

تاريخ : دو شنبه 10 ارديبهشت 1397 | 23:30 | نویسنده : قربان مطلبی مایانی |

مرحوم مداح اهلبیت حاج محمد علی شایقی


موضوعات مرتبط: دانلود
برچسب‌ها: شایقی مداح

تاريخ : یک شنبه 10 دی 1396 | 19:16 | نویسنده : قربان مطلبی مایانی |

صفحه قبل 1 2 3 4 5 ... 26 صفحه بعد

.: Weblog Themes By SlideTheme :.


  • الیاس موزیک